(ویب ڈیسک)معزول شامی صدر بشار الاسد کے دور حکومت میں استعمال ہونے والا جنگی ٹینک سبزیوں کے سٹال میں تبدیل ہو گیا جس کی تصویر سوشل میڈیا پر وائرل ہوگئی۔
عرب میڈیا کے مطابق دمشق کے مضافات دوما میں ایک ٹینک کا سبزی اور پھلوں کے سٹینڈ میں تبدیل ہونا ایک حیران کن لمحہ تھا جس کی کبھی توقع نہیں کی جا سکتی تھی،تصویر میں دیکھا گیا کہ ایک سبزی فروش نے سڑک کنارے کھڑے جنگی ٹینک پر روزگار کے لیے پھل اور سبزیاں منظم انداز میں سجا دیں جو لوگوں کی توجہ کا مرکز بن گئیں۔
مزید پڑھیں:کرنسی نوٹ سے شیخ مجیب کی تصویر غائب
دوسری جانب بشارالاسد کی حکومت کے خاتمے اور دمشق میں اپوزیشن فورسز کے عروج کے بعد شراب خانے اور نائٹ کلب بھی دوبارہ کھل گئے،ایجنسی فرانس پریس نے رپورٹ کیا تھا کہ شام میں نئی حکومت ملک کے تمام سماجی اور مذہبی گروہوں کے ساتھ رواداری کی پالیسی اپنائے گی۔
