(ویب ڈیسک) سعودی عرب میں رہائش کیلئے آپ کے پاس اقامہ ہونا ضروری ہے جس کے بعد وہاں قانونی طور پر رہائش اختیار کی جاسکتی ہے اور اقامہ کی تجدید بھی کروانی لازمی ہوتی ہے۔
2023 کی سروے رپورٹ کے مطابق سعودی عرب میں غیر ملکیوں کی مجموعی تعداد 10 ملین سے زائد ہے، سعودی گیزٹ میں گزشتہ سال کی رپورٹ کے مطابق پاکستانی، بھارتی،مصری، یمنی اور بنگالی ایک کروڑ سے زائد افراد ملازمت کررہے ہیں۔
سعودی عرب میں تین ملین بھارتی، 25 لاکھ پاکستانی، 2.2 ملین مصری، 1.4 ملین یمنی اور 1.2 بنگالی شہری موجود ہیں ، ایگزٹ اور ری انٹری ویزا میں توسیع کیلئے نئی فیس 103.5 سعودی ریال ہے۔
سعودی عرب میں ابشر بزنس پلیٹ فارم نے رہائشی اجازت نامے یا اقامہ کی تجدید کی فیس 57.75 سعودی ریال میں مقرر کی ہے۔
فائنل ایگزٹ کی فیس 70 سعودی ریال مقرر کی گئی ہے، اقامہ کے اجرا کی تازہ ترین فیس 5.75 سعودی ریال مقرر ہے۔
یہ بھی پڑھیں : بھگدڑ کیس : سُپر سٹار الوارجن کو ضمانت مل گئی
تاہم غیرملکیوں کے لیے پاسپورٹ کی معلومات کو اپ ڈیٹ کرنے کی فیس 69 سعودی ریال ہے۔
سوشل میڈیا پوسٹ میں ابشر بزنس پلیٹ فارم میں کہا گیا ہے کہ مذکورہ فیس لوگوں کو فراہم کی جانے والی خدمات کے بدلے وصول کی جاتی ہے۔
