ارشد ندیم گھٹنے کی انجری کے علاج کیلئے برطانیہ جائیں گے
لاہور (ڈیلی پاکستان آن لائن) قومی ایتھلیٹ ارشد ندیم گھٹنے کی انجری کے علاج کیلئے 4 فروری کو برطانیہ جائیں گے۔
نجی ٹی وی دنیا نیوز کے مطابق ارشد ندیم کے کوچ کا کہنا تھا کہ ارشد ندیم گزشتہ برس گھٹنے میں انجری کے سبب ایشین گیمز میں حصہ نہ سکے ، اب وہ علاج کیلئے برطانیہ جا رہے ہیں ۔ارشد ندیم نے امید ظاہر کی کہ وہ سرجری کے بعد 25 دن تک فٹ ہو جائیں گے اور پیرس اولمپکس سے قبل ایونٹس میں شرکت کر کے اپنا اعتماد بحال کرنے کی کوشش کریں گے۔
یاد رہے کہ ارشد ندیم نے عالمی ایتھلیٹکس چیمپیئن شپ میں گزشتہ برس پاکستان کی نمائندگی کرتے ہوئے پہلا میڈل جیتا تھا۔
