ایتھلیٹکس کے بھالا پھینک (جیولن تھرو) مقابلے میں کشور جینا دوپہر 1.50 بجے میدان میں ہوں گے جبکہ نیرج چوپڑہ 3.20 بجے ایکشن میں نظر آئیں گے۔ ہندوستانی شائقین نیرج چوپڑہ کے مقابلے کا بے صبری سے انتظار کر رہے ہیں۔ کشتی مقابلے میں 50 کیلوگرام زمرے میں راؤنڈ-16 کے لیے ونیش پھوگاٹ کا جاپان کی یوئی سوساکی کے ساتھ مقابلہ ہوگا۔ رات میں 10.30 بجے سب سے اہم مقابلہ دیکھنے کو ملے گا جب ہاکی میں ہندوستانی ٹیم جرمنی کے سامنے میدان میں اترے گی۔ اگر یہاں ہندوستان جرمنی کو شکست دے دیتا ہے تو 44 سال بعد اولمپک کے فائنل میں پہنچنے کا فخر اسے حاصل ہو جائے گا۔ آخری مرتبہ 1980 میں ہندوستانی ٹیم اولمپک کے فائنل میں پہنچی تھی۔ اس کے علاوہ ٹیبل ٹینس کے راؤنڈ-16 میں چین سے مقابلہ ہوگا۔
